الغلطة الحداشر في سلسلة "أخطاء البداية": إني مكنتش بشارك اللي أنا عارفه.
كنت مستني المعلومة الكبيرة
في بداياتي كنت فاكر إن المعلومة اللي تستاهل إني أتكلم عنها لازم تكون حاجة كبيرة: معلومة قوية، أو اكتشاف جديد، أو حاجة فعلاً تستحق إن الناس تقف عندها.
أما لو معلومة بسيطة أو معروفة بالنسبالي، فمكنتش بشوف إن ليها لازمة إني أشاركها.
اللي إنت شايفه بسيط… غيرك محتاجه
مكنتش واخد بالي إن اللي أنا شايفه بسيط، ممكن يكون جديد ومفيد جداً لشخص تاني.
فيه ناس كتير لسه في أول الطريق، وممكن معلومة إنت بتستخدمها كل يوم توفر عليهم وقت ومجهود كبير.
والعكس صحيح برضه: فيه حاجات كتير أنا لحد النهارده معرفهاش، وبتكون بديهية جداً بالنسبة لناس خبرتها أكبر مني. وده طبيعي، لأن كل واحد فينا عنده خبرة ومعرفة مختلفة عن التاني.
المشاركة بتكشفلك اللي ناقصك
وفيه نقطة تانية مهمة: لما تشارك معلومة، ممكن تكتشف إن فهمك ليها ناقص، أو إن فيه طريقة أحسن إنت متعرفهاش.
ولما حد يصححلك أو يضيفلك معلومة، إنت كمان بتكون استفدت واتعلمت.
اللي اتعلمته: 3 فوائد لمشاركة المعرفة
- بتفيد حد تاني. حتى لو بالمعلومة اللي إنت شايفها بسيطة.
- بتراجع معلوماتك. وبتكتشف أخطاء أو طرق أفضل من خلال نقاشك مع الناس.
- بتتعلم وإنت بتعلّم. بتساعد غيرك يتعلم، وفي نفس الوقت بتساعد نفسك تتعلم وتتطور.
الخلاصة
متستناش لحد ما تبقى خبير علشان تشارك اللي تعرفه، ومتستهونش بأي معلومة عندك.
شارك اللي تعرفه، واتعلم من اللي غيرك يعرفه.
وإنت… إيه أبسط معلومة اتعلمتها من حد وفرقت معاك؟
محتاج حد يختصر عليك الطريق؟
لو بتبني بيزنس أو سيستم من الصفر وعايز تتجنب الأخطاء دي من البداية، كلمنا مباشرة.
كلمنا على واتساباتعرّف أكتر على علاء سمير، مؤسس ضروري، أو ابعتلنا رسالة من صفحة التواصل.
سلسلة أخطاء البداية
- الحلقة 1: التعيين قبل ما الشغل يثبت: أغلى غلطة في بدايتي
- الحلقة 2: التجويد قبل ما الـ Cycle تخلص: لما حتة واحدة تأخّر المشروع كله
- الحلقة 3: "عطل فني": الإجابة المبهمة اللي كانت هتكلّفنا عملاءنا
- الحلقة 4: مفيش إجازة ليك كشخص: لما الانهيار ييجي في أسوأ توقيت
- الحلقة 5: كلمة العميل مش كفاية: ليه كل مرحلة محتاجة موافقة مكتوبة
- الحلقة 6: إمكانيات أكتر مش معناها سيستم أحسن: غلطة إنك تبني كل حاجة والعميل مش محتاجها
- الحلقة 7: بوست واحد قفل السيرفر كله: غلطة إنك تستضيف عملاء من غير باك أب برّه السيرفر
- الحلقة 9: اهتميت بالكود ونسيت المستخدم: ليه الـ UI والـ UX مش مرحلة تجميل
- الحلقة 10: باب النجار مخلّع: ليه موقع شركة البرمجيات لازم يفضل بيتطور باستمرار
- الحلقة 11: معلومة بسيطة متستاهلش؟ ليه اللي إنت شايفه بديهي ممكن يختصر الطريق على غيرك